९
साउन, काठमाडौ । गरिब बिरामीलाई निःशुल्क शैया उपलब्ध गराउँदै आएको वीर
अस्पतालले अब शुल्क लिन थालेको छ । भूकम्पले भवन क्षति गरेको र ट्रमा
सेन्टरबाट सेवा दिनुपरेको कारण देखाउँदै वीर अस्पतालले प्रति शैया दुई सय
रुपैयाँ लिन थालेको हो ।
केही समयअघिसम्म वीर अस्पतालका कुन ४६०
शैयामध्ये ३३१ शैया विरामीलाई निःशुल्क उपलब्ध हुने गरेको थियो । अहिले वीर
अस्पतालमा एउटा पनि शैया निःशुल्क प्रयोग गर्न नपाइने भएको गोरखापत्रमा खबर छ ।
पहिले निःशुल्क ३३१ शैयाबाहेक १२९ शैयालाई ११० रुपैयाँदेखि १५०
रुपैयाँसम्म तिर्नुपर्दथ्यो । अहिले यी शैयालाई पनि प्रतिदिन दुई सय
रुपैयाँ तिर्नुपर्छ ।
चिकित्सा विज्ञान राष्ट्रिय प्रतिष्ठान (न्याम्पस)का उपकुलपछि डा. गणेश
गुरुङले वीर अस्पतालका भवन भूकम्पबाट क्षतिग्रस्त भएकाले ट्रमा सेन्टरबाट
सेवा दिन थालेको र ट्रमा सेन्टरले ट्रमा सेन्टरले रकम असुल गर्ने गरेको
बताए । वीर अस्पतालको आयस्रोत पनि कम भएकाले शुल्क लिने गरेको उपकुलपछि डा.
गुरुङले बताए ।
वीरका निर्देशक डा.स्वयमप्रकाश पण्डितले ट्रमा सेन्टर र वीर अस्पतालको
नियम छुट्टै भएको बताए । वीर अस्पतालले आफ्नै भवनबाट सेवा दिन थालेपछि
मात्रै शैया निःशुल्क हुने पण्डितले बताए ।
Post a Comment