सुनको भाउ लगातार ओरालो,४७ हजार २ सयमा किनबेच

साउन ८ 

यो हप्ता सुनको भाउमा भारी गिरावट आएको छ । नेपाल सुनचाँदी व्यवसायी महासंघका अनुसार यो हप्ता सुन तोलामा २३ सय रुपैयाँले घटेको  छ । हप्ताको पहिलो दिन आइतबार तोलामा  ४९ हजार ५ सय रुपैयाँमा कारोबार भएको सुन हप्ताको अन्तिम दिन शुक्रबार ४७ हजार २ सय रुपैयाँमा झरेको छ ।

सार्वजनिक बिदाका कारण आइतबार, सोमबार र मंगलबार तोलामा ४९ हजार ५ सय रुपैयाँमा नै कारोबार भएको सुन बुधबार र बिहीबार घटेर ४८ हजार रुपैयाँमा कायम रह्यो । ४८ हजारबाट पनि शुक्रबार तोलामा ८ सय रुपैयाँले घटेर सुन ४७ हजार २ सय रुपैयाँमा झरेको हो । सुनको भाउ ह्वात्तै घटेपछि कारोबार र माग पनि त्यहि अनुपातमा बढेको छ । सुन व्यवसायीका अनुसार गएको मंगलबारसम्म दैनिक १५ किलोको हाराहारीमा मात्र कारोबार भएको सुन बुधबारदेखि ३० किलोको हाराहारीमा माग बढेको छ । कतिपय ग्राहक भने सुनको भाउ अझै घट्ने अनुमानमा पर्ख र हेरको अवस्थामा छन् ।