चितवन , श्रावण १२
पुर्बीचितवनको भण्डारामा ट्रक र स्कुटर एकआपसमा ठक्कर खादा एक बालिकाको मृत्यु भएको छ । भण्डारा २ हर्दी चोकमा आज दिउसो पुर्बबाट पश्चिम् तर्फ आउदै गरेको ना ४ ख ९९२९ नम्बरको ट्रक र पश्चिम बाट पुर्ब तर्फ जाँदै गरेको बा ४१ प ७७०८ नम्बरको स्कुटर एकआपसमा ठक्कर खादा एक बालिकाको मृत्यु भएको छ भने अन्य दुईजना घाइते भएका छन् । दुर्घटनामा परि साढे दुई बर्षकी एन्जिला बिष्टको मृत्यु भएको प्रहरीले जनाएको छ । घाइते हुनेमा स्कुटरमा सवार बर्ष २१ कि ईन्दिरा बिष्ट र भण्डारा १ बस्ने बर्ष ३२ कि आशा श्रेष्ठ रहेकी छिन् । घाइते दुवैजनाको पुरानो मेडिकल कलेज भरतपुरमा उपचार भइरहेको छ । ठक्कर दिने ट्रक र चालकलाई प्रहरीले नियन्त्रणमा लिएको छ ।
Post a Comment