अखण्ड नवलपरासी माग गर्दै दोस्रो दिन पनि परासी बन्द

साउन २६ 

नवलपरासी जिल्लालाई टुक्राएको बिरोधमा दोश्रो  दिन मँगलबार पनि नवलपरासीको सदरमुकाम परासी लगायतका मुख्य मुख्य बजार आज बिहानै देखी बन्द रहेका छन् । अखण्ड नवलपरासीको माग गर्दे अखण्ड नवलपरासी सँर्घर्ष समितिले बन्द आहावान गरेको हो । दोश्रो दिन मँगलबार गरीएको बन्दका कारण मुख्य गरी सदरमुकाम परासीका शैक्षिक सँस्था कल कारखाना तथा  बजार बन्द भएका छन  । बन्दले सर्बसाधारणहरु मर्कामा परेका छन ।  सुनवल, बर्दघाट, सेमरी , महेशपुर, बेलाटारी, भुमहि लगायतका मुख्य बजारमा पनि बन्द प्रभाब रहेको छ । दैनिक भिडभाड हुने मालपोत लगायतका सरकारी कार्यालहरु प्नि सुनसान रहेका छन । यातायातका साधन पनि चलेका छैनन । परासीबाट लामो तथा छोटो दुरीका सवारी साधन छुटेका छैनन । सवारीका साधन सडकमै अलपत्र परेका छन । बन्द्रकर्ताहरु ठाँउ ठाँउमा प्रदर्शन गरेका छन  ।भने मोटरसाईल जुलुस पनि गरेका छन ।  बन्दकर्ताले परासी बुद्ध चौकमा पाल टाँगेर बसेका छन र बिरोधका कार्यक्रमलाई निरन्तरता दिएका छन ।  प्रान्तको खाका बनाउदा नवलपरासीको दाउन्ने पश्चिमलाई प्रदेश नम्बर ५ मा र दाउन्ने पुर्ब लगायत तराई तर्फका नरसही, त्रिबेणी रुपौलीया, कुडिया र पक्लीहवाललाई प्रदेश नम्बर ४ मा राखीएको परासी तर्फका स्थानीयहरुले आक्रोश पोखेका छन । तत्काल सीमाँकन मिलाएर नवलपरासीलाई अखण्ड राख्दै जिल्लाको अस्तीत्व कायम हुनु पर्ने माग गरेका छन । नवलपरासीलाई दुई प्रदेश बनाउदा ४ नम्बर प्रदेशले बिहारको नाका छोएको छ भने ५ ले उत्तर प्रदेश छुन्छ । नवलपरासी जिल्लालाई अखण्ड जिल्ला नभएसम्म आन्दोलन जारी रहने आन्दोलनकारीले बताएका छन । नवलपरासी तराई , पहाड र भित्री मधेश तिन खाले भुगोल रहेकोमा जिल्लाका ३ नगरपाली र २८ गाबिस पश्चिममा र ४१ गबिस र तिन नगरपालीका पुर्बमा परेका छन ।