ब्याडमिन्टन टोली भारत जाने

 भदौ १४ 

सुशान्त चिपल्कट्टी स्मृति एसियाली जुनियर ब्याडमिन्टन च्याम्पियनसिपमा सहभागी हुन नेपाली टोली सोमबार भारतको पुना जाँदैछ । सेप्टेम्बर ३ देखि ६ तारिखसम्म हुने च्याम्पियनसिपमा समान ३–३ पुरुष र महिला गरी ६ नेपाली खेलाडीले प्रतिस्पर्धा गर्नेछन् । पुरुषमा दीपेश धामी, नविन श्रेष्ठ र गौतम कठायत तथा महिलामा जेसिका गुरुङ, सुनैया मुखिया र मेघा चन्द रहेका छन् । दीपेश र गौतम भरातकै बैंगलुरुको छुट्टा छुट्टै स्थानमा प्रशिक्षणमा रहेकाले दुबै त्यतैबाट प्रतियोगितामा सहभागी हुने नेपाल ब्याडमिन्टन संघका महासचिव रामजीबहादुर श्रेष्ठले जानकारी दिए । नेपाली खेलाडीले पुरुषरमहिला सिंगल्स र डबल्स तथा मिक्स गरी ५ स्पर्धामा भाग लिने छन् । प्रतियोगिताको कूल पुरस्कार राशी १५ हजार अमेरिकी डलर रहेको छ ।टोलीलाई सफलताको शुभकामना दिदै राष्ट्रिय खेलकुद परिषद्का उपाध्यक्ष लामा टेन्डी शेर्पाले आइतबार एक कार्यक्रमबीच बिदाइ गरे ।