भुटानमा नेपाली खेलाडी भए उत्कृष्ट

भुटानःदोश्रो अन्तर्राष्ट्रिय तेक्वान्दो च्याम्पियनसिप तथा प्रथम अन्तर्राष्ट्रिय तेक्वान्दो पुम्से च्याम्पियनसिपमा नेपालकी पार्वती गुरुङ उत्कृष्ट खेलाडी घोषित भएकी छन् । नेपालबाट प्रतियोगितामा निर्णायकको भूमिका निर्वाह गरेका नोर्बु लामाले जनाए अनुसार पार्वतीले सिनियर महिलाको ५३ केजीमुनि स्वर्ण तथा सिनियर पेयर पुम्सेमा रजत जितिन् । पेयर पुम्सेमा पार्वतीले शिशिर श्रेष्ठसंग मिलेर रजत जितेकी हुन् । त्यस्तै सिनियर महिलाको ४६ केजीमुनि एन्जिला योञ्जन पनि स्वर्ण जित्न सफल भइन् । सिनियरमै महिला ४९ केजीमुनि सुस्मिता थापाले कांस्य तथा पुरुष ५६ केजीमुनि शिशिर श्रेष्ठले रजत र ७२ केजीमुनि अर्जुन क्षेत्रीले कांस्य हात पारे । जुनियर महिलाको ३१ केजीमुनि सुप्रिया तिमिल्सनाले रजत र ३४ केजीमुनि सितुसिंह मास्केले कांस्य हात पारे । जुनियर येल्लो बेल्ट पुम्सेमा सीतुले रजत तथा सुप्रियाले कांस्य जिते । प्रतियोगिता भुटानको थिम्पुमा मे २० देखि २२ तारिखसम्म सञ्चालन भएको थियो ।

चितवनका किरण श्रेष्ठलाई अन्र्तराष्ट्रिय पदक

lrtjgsf t]SjfGbf] v]nf8L ls/0f >]i7n] t]SjfGbf]df cGt{/fli6«o kbs lht]sf 5g . 6k dfp06]g t]SjfGbf] dxf;+3 xªsªn] cfof]hgf u/]sf] ;ftf}+ cGt{/fli6«o k'D;] t]SjfGbf] k|ltof]lutfdf lrgsf v]nf8L lrªr'ªnfO{ kl5 kfb}}}{ >]i7n] :j0f{ kbs lhNg ;kmn ePsf x'g . t]>f] r/0f ;Dd nuftf/ hLt xft kf/]sf >]i7n] kmfO{gn v]ndf klg lrªr'ªnfO{ ;lhn} kl5 kf/]sf lyP . k|ltof]lutfdf $ :j0f{,! /ht kbs ;lxt g]kfn l6d k|yd ePsf] g]kfnjf6 l6dsf]
g]t[Tj u/]/ xªsª uPsf dgf]h v8\sLn] hfgsf/L lbg'eof] . k|ltof]lutfdf lrtjgsf >]i7 ;lxt sf7df8f}+sL d]ln;f v8\sL,sf7df8f}+s} aAn' l;jfsf]6L,l;/fxfsf /fhg e08f/L / ;Nofgsf uf]kfn e08f/Ln] /ht kbs lht]sf] 6k dfp06]g t]SjfGbf] dxf;+3 xªsªsf ;+:yfks cWoIf df:6/ u0f]z axfb'/ u'?ªn] hfgsf/L lbg'eof] . To;}u/L dxf;+3sf ;+:yfks cWoIf u'?ªn] lrq;f/L t]SjfGbf] 8f]hfª / 6k dfp06]g t]SjfGbf] 8f]hfªsf k|d'v ;d]t /x]sf cGt{/fli6«o k|lzIfs ls/0f >]i7nfO{ &% xhf/ a/fj/sf] v]ns'b ;fdfu|L ;d]t ;xof]u ug'{ePsf] lyof] .

२३ वर्षपछि नेपालले अन्तराष्ट्रिय फुटबलको उपाधि जित्यो

८ माघ, काठमाडौं । नेपालले २३ वर्षपछि अन्तराष्ट्रिय फुटबलको उपाधि जितेको छ । शुक्रबार भएको फाइनलमा बहराइनलाई ३-० गोल अन्तरले पराजित गर्दै बङबन्धु कप फुटबलको उपाधि जितेको हो । यो २३ वर्षपछि नेपालले जितेको अन्तराष्ट्रिय फुटबल उपाधि समेत हो । यसअघि नेपालले १९९३ मा साफ गेम्समा स्वर्ण जितेको थियो । ढाकामा भएको खेलमा नेपालले ५ औं मिनेटमा नै विमल घर्ती मगरले गोल गरे । विराज महर्जनको क्रसमा अन्जन विष्टले हेड गरेका थिए । उनको हेड बल बहराइनका गोलरक्षकले हाफ क्लियर गरे । खेलको ८१ औं मिनेटमा दुबै टीम १० खेलाडीमा सिमित भए । नेपालका सुमन लामाले रातो कार्ड पाए । विक्रम लामा र बहराइनका खेलाडीबीचको विवादमा सुमन झगडा गर्न पुगेका थिए । तर, अन्तिममा नेपाल दोस्रो गोल गर्न सफल भयो । अन्जन विष्टको उत्कृष्ट पासमा विशाल राईले गोल गरेका हुन् । लगतै नवयुग श्रेष्ठले गोल गर्दै नेपाललार्इ ३-० को शानदार जित दिलाए । 

एएफसी–१६ फुटबलमा नेपालले आज कीर्गिस्तानसँग खेल्ने

एएफसी अण्डर सिक्सटिन च्याम्पियनसिप फुटबल छनोट चरणको दोस्रो खेलमा आज नेपालले आयोजक कीर्गिस्तानसँग खेल्नेछ । कीर्गिस्तानको बिस्केकमा जारी प्रतियोगिताको पहिलो खेलमा जोर्डनलाई हराएको नेपाल आज दोस्रो खेलमा आयोजकलाई स्तब्ध पार्ने दाउमा छ । तर मध्य एशीयाली टोली कीर्गीस्तानलाई उसैको मैदानमा पराजित गर्नु नेपालको लागि चुनौतीपुर्ण हुनेछ । यसअघि पहिलो खेलमा शक्तिशाली प्रतिद्वन्द्वी जोर्डनलाई हराएपछि उमेर समुहको यो प्रतियोगितामा नेपाललाई पनि दावेदारको रुपमा हेर्न थालिएको छ । छनौट चरणको समुह बी मा रहेको नेपालले कीर्गिस्तानपछि यही असोज ३ गते ओमानसँग खेल्ने तालिका छ । भारतमा हुने फाईनल चरणका लागि एसियाका ४५ राष्ट्रलाई ११ समुहमा विभाजन गरी छनोट चरण खेलाईदैछ । प्रत्येक समुहका विजेता, चार उत्कृष्ट उपविजेता तथा आयोजक भारत समेत गरी कुल १६ टोलीले एएफसी युथ सिक्सटीन च्याम्पियनसिप फुटबलको अन्तिम चरण खेल्नेछन् ।

मनाङ मर्स्याङ्दी र थ्रिस्टार क्लव आज भिड्ने

 रेडबुल राष्ट्रिय लिग फुटबल प्रतियोगिता अन्तर्गत आज हुने खेलमा मनाङ मर्स्याङ्दी क्लव र थ्रिस्टार क्लव भिड्नेछन् । नेपाली फुटबलका दुई सदाबाहार प्रतिद्वन्द्वी थ्रि स्टार र मनाङ मर्स्याङ्दीबीचको यो भिडन्तलाई जारी प्रतियोगिताकै बहुप्रतिक्षित भिडन्तको रुपमा हेरीएको छ । लिगको अंक तालिकामा थ्रि स्टार क्लव दोस्रो तथा मनाङ मस्र्याग्दी चौथो स्थानमा छ । ९ खेलबाट १७ अंकका साथ झापा ११ अङ्क तालिकाको शीर्ष स्थानमा रहेको छ । उता, नेपाल पुलिस क्लब माथी ३–० को सहज जित निकाल्दै त्रिभुबन आर्मी क्लब रेडबुल राष्ट्रिय लिग फुटबल प्रतियोगिताको तेस्रो स्थानमा उक्लेको छ । सातदोवाटोस्थित एन्फा कम्लेक्सको मैदानमा बिहीबार सम्पन्न खेलमा नवयुग श्रेष्ठले ह्याट्रिक गरेपछि आर्मी क्लव ३–० ले विजयी भयो ।

चेल्सी विजयी , बार्सिलोना र रोमा बराबरीमा सीमित

युरोपियन क्लब फुटबलको बहुचर्चित प्रतियोगिता युएफा च्याम्पियन्स लिग फुटबल अन्तर्गत गएराति भएको खेलमा इङ्गलिश क्लब चेल्सी विजयी हुँदा आर्सनल पराजित भएको छ । समुह जी को पहिलो खेलमा चेल्सीले इजरायलको मकाबी तेल अभिभलाई ४–० ले पराजित र्गयो । यही समुहको अर्को खेलमा युक्रेनको डाईनामो किभ र पोर्चुगलको एफसी पोर्टोले २–२ गोलको बराबरी खेलेका छन् । उता समुह एफ को खेलमा इङ्गलिश क्लब आर्सनललाई क्रोएशियाको डाईनामो जाग्रेबले २–१ ले पराजित गरेको छ । यही समुहको अर्को खेलमा जर्मनीको बायर्न म्युनिखले ग्रीसको ओलम्पियाकोसलाई ३–० ले हरायो । समुह इ अन्तर्गतको खेलमा उपाधि दाबेदार बार्सिलोनालाई इटालीको एएस रोमाले १÷१ गोलको बराबरीमा रोकेको छ । यही समुहको अर्को खेलमा जर्मनीको बायर लिभरकुजेनले बेलारुसको बाते बोरीसोभलाई ४÷१ ले हरायो । समुह एच को खेलमा रुसको जेनिथले स्पेनको भ्यालेन्सियालाई ३÷२ ले हराउँदा बेल्जियमको गेन्ट र फ्रान्सको लियोंले १÷१ गोलको बराबरी खेलेका छन् ।

आज आर्मी र पुलिस भिड्ने

रेडबुल राष्ट्रिय लिग फुटबल प्रतियोगितामा बिहीबार दुई विभागीय टोलीहरु त्रिभुवन आर्मी र नेपाल पुलिस क्लव भिड्दैछन् । खेल ललितपुरको सातदोवाटोस्थित एन्फा कम्लेक्सको मैदानमा हुनेछ । जारी लिगमा आफ्नो स्वाभाविक लय भेटाउन नसकेका यी दुई शीर्ष क्लबबीचको भिडन्त निकै रोचक हुने धेरैको अनुमान छ । उता, सुदूरपश्चिमाञ्चल फुटबल क्लव कैलालीले जारी लिगमा दोस्रो जित हासिल गरेको छ । हिजो भएको खेलमा सुदूरपश्चिमाञ्चलले रुपन्देहीको जगदम्बा लुम्बिनीलाई ३–१ ले हराउँदै दोस्रो जितसहित अंक तालिकामा सुधार गरेको हो । जितसँगै सुदूरपश्चिमाञ्चल ९ खेलबाट १० अंकसहित छैटौं स्थानमा उक्लिएको छ । लुम्बिनी भने ९ खेलबाट ४ अंकका साथ तालिकाको पुछारमा छ । हिजो भएको अर्को खेलमा मोरङ फुटबल टिमले शीर्ष स्थानको झापा ११ सँग गोलरहित बराबरी खेलेको छ । यो बराबरीसँगै झापा ९ खेलबाट १७ अंकका साथ शीर्ष स्थानमा कायमै रहँदा मोरङ ८ खेलबाट ४ अंकका साथ आठौं स्थानमा रहेको छ ।

जोकोभिचलाई युएस ओपन

वर्षको अन्तिम ग्रान्ड स्लाम ‘युएस ओपन’ टेनिस प्रतियोगिता अन्तर्गत पुरुष एकलतर्फको उपाधि विश्व नम्बर १ खेलाडी नोभाक जोकोभिचले हासिल गरेका छन् । सर्बियाका जोकोभिचले विश्व नम्बर २ फेडेररलाई ३–१ सेटमा पराजित गरेका हुन् । स्विटजरल्याण्ड फेडेररलाई पराजित गर्ने क्रममा जोकोभिचले ६–४, ५–७, ६–४ र ६–४ को नतिजा निकालेका थिए । जोकोभिचको यो दशौं ग्राण्ड स्लाम हो भने युएस ओपन उपाधि दोस्रो पटक हासिल गरेका हुन् । जोकोभिचले यसै वर्षको विम्बल्डन फाइनलमा पनि फेडेररलाई पराजित गरेका थिए ।

युएस ओपनको महिला एकलको उपाधि पेनेटालाई

इटालीकी फ्लाभिया पेनेटाले युएस ओपन टेनिसको महिला एकलको उपाधि जितेकी छन् । हिजो राति भएको फाइनलमा २६ औं बरियताकी पेनेटाले आफ्नै देशकी रोबेर्टा भिन्चीलाई हराएर उपाधि उचालेकी हुन् । पेनेटाले भिन्चीलाई ७–६ र ६–२ को सेटमा हराउँदै पहिलो पटक ग्राण्ड स्लाम उपाधि जितेकी हुन् । ३३ वर्षकी पेनेटाले उपाधिसँगै तीन् करोड ३० लाख अमेरिकी डलर पुरस्कार पाएकी छन् । सेमिफाइनलमा विश्व नम्बर एक सेरेना विलिम्यसलाई हराएर फाइनलमा आएकी ४३ औं बरियताकी भिन्चीको उपाधि जित्ने सपना भने पुरा भएन । ३२ वर्षकी भिन्चीले सेमिफाइनलमा विलियम्सलाई २–६, ६–४ र ६–४ ले हराएकी थिइन् ।

म्यान्चेस्टर युनाइटेडसँग लिभरपुल स्तब्ध

इंग्लीश प्रिमियर लिग अन्तर्गत गए राति भएको खेलमा म्यान्चेस्टर युनाईटेडले लिभरपुललाई ३÷१ ले राजित गरेको छ । म्यान्चेस्टर युनाईटेडका लागि नयाँ खेलाडी एन्टोनी मार्सलले डेब्यु खेलमै गोल गर्दा डेली ब्लाईण्ड र एण्डर हरेराले पनि एक–एक गोल गरे । लिभरपुलका बेन्टेकेले एक गोल फर्काएका थिए । लिगमा उत्कृष्ट सुरुवात गरेको म्यानचेस्टर सिटीले क्रिष्टल प्यालेसलाई १–० ले पराजित गर्दा आर्सनलले स्टोक सिटीलाई २–० ले पन्छायो । गएरातिका अन्य खेलहरुमा नर्वीच सिटीले बर्नमाउथलाई ३–१ ले हराँउदा वाट्फोर्डले स्वान्सी सिटीलाई १–० ले पराजित र्गयो । वेष्ट ब्रोम र साउथह्याम्पटनले भने गोलरहित बराबरीमा चित्त बुझाए । गएरातिका खेलहरुपछि इंग्लीश प्रियिमर लिग फुटबलको अंक तालिकामा ५ खेलबाट १५ अंक जोडेको म्यान्चेस्टर सिटी शीर्ष स्थानमा रहेको छ । समान खेलबाट १०÷१० अंक जोडेका म्यान्चेष्टर युनाईटेड र आर्सनल क्रमशः दोस्रो तथा तेस्रो स्थानमा रहेका छन् । चौथो स्थानको क्रिष्टल प्यालेसको ९ अंक छ भने ८ अंक जोडेको एभर्टन पाँचौ स्थानमा छ ।

वर्षाले युएस ओपनको महिला एकलतर्फका सेमीफाइनल खेल स्थगित

वर्षको अन्तिम ‘ग्रान्ड स्लाम’ युएस ओपन टेनिसअन्तर्गत महिला एकलतर्फका सेमीफाइनल खेल वर्षाले अबरुद्ध भएका छन् । न्यूयोर्कको फल्सीङ मिडोजमा जारी प्रतियोगितामा महिला एकलका सेमीफाइनल खेलहरु हिजो हुने तालिका थियो तर भारी वर्षा हुने प्रक्षेपण गरिएपछि खेल आजका लागि सारिएको हो । आज साँझ हुने खेलमा अमेरिकाकी सेरेना विलियम्स र ईटालीकी रोबर्टा भिन्ची तथा रोमानियाकी सिमोना हालेप र ईटालीकी पेनेटा भिड्नेछन् । अमेरिकाकी विलियम्स यो वर्षका सबै चार ग्रान्ड स्लाम जित्ने अभियानमा छिन् । यसैगरी युएस ओपन टेनिसको पुरुष एकलतर्फका सेमिफाइनल खेलहरु पनि आजै हुनेछन् । पुरुष एकलतर्फ स्विट्जरल्याण्डका रोजर फेडेरर र स्टानिस्लास वावरीङ्का तथा सर्वियाका नोभाक जोकोभिच र क्रोएशियाका मारीन सिलिच भिड्नेछन् ।

अष्ट्रेलियालाई हराउँदै इङ्ल्यान्ड ९३ रनले

तेस्रो एक दिवसीय क्रिकेट खेलमा अष्ट्रेलियालाई हराउँदै घरेलु टोली इङ्ल्यान्ड ५ खेलको शृङ्खलामा फर्किएको छ । ओल्ड ट्राफोर्डमा हिजो भएको खेलमा इङ्ल्यान्ड ९३ रनले विजयी भयो । खेलमा पहिले व्याटिङ गरेको इङ्ल्यान्डले निर्र्धा्रिरत ५० ओभरमा ८ विकेट गुमाएर ३ सय रन बनायो । इङ्ल्यान्डका लागि जेम्स टेलरले करियरकै पहिलो शतक बनाए भने जेसन रो

यले ६३ तथा ईओन मोर्गानले ६२ रनको योगदान दिए । जवाफमा ३ सय १ रनको लक्ष्य पछ्याएको पाहुना टोली अष्ट्रेलिया ४४ ओभरमा २ सय ७ रनमै समेटियो । अष्ट्रेलियाका आरोन फिन्चले ५३ रन तथा म्याथ्यु वाडले ४२ रन जोडे । बलिङतर्फ इङ्ल्यान्डका लियाम प्लङ्कीट र मोईन अलीले ३(३ विकेट लिए । यो जितसँगै इङ्ल्यान्डले ५ खेलको एक दिवसीय क्रिकेट शृङ्खलामा २–१ को पुनरागमन गरेको छ । सुरुवाती दुई खेल गुमाएको इङ्ल्यान्डका लागि शृङ्खलामा जिवित रहन यो खेल जित्नैपर्ने बाध्यता थियो ।

अष्ट्रिया युरोकप फुटबलका लागि छनोट, ५० गोल गरेर वायन रुनी चम्किए

स्विडेनलाई हराउँदै अष्ट्रिया युरोकप फुटबलका लागि छनोट भएको छ । स्विडेनमा मंगलबार हिजो राती भएको खेलमा अष्ट्रिया ४–१ ले विजयी भयो । जितसँगै अष्ट्रिया युरोकप फुटबलका छनोट हुने चौथो टोली बनेको छ । अर्को वर्ष फ्रान्समा हुने प्रतियोगिताका लागि इङ्ल्यान्ड, आईसल्याण्ड र चेक गणतन्त्र यसअघि नै छनोट भइसकेका छन् । यता, इङ्लिस फुटबल खेलाडी वायन रुनीले देशका लागि सर्र्वािधक गोल गर्ने कीर्तिमान आफ्नो नाममा राखेका छन् । युरोकप फुटबल छनोटअन्तर्गत हिजो राती भएको स्विट्जरल्याण्ड विरुद्धको खेलमा गोल गर्दै रुनी इङ्ल्याण्डका लागि ५० गोल गर्ने पहिलो खेलाडी बनेका हुन् । स्विट्जरल्याण्ड विरुद्धको खेल इङ्ल्याण्डले २–० ले जित्दा रुनीले ८६ औं मिनेटमा पाएको पेनाल्टीको अवसरमा गोल गरेका थिए । यसअघि इङ्लिस टोलीका लागि सर्र्वािधक गोल गर्ने कीर्तिमान सर बबी चार्लटनको नाममा थियो । युरोपक छनोटअन्तर्गत मंगलबार भएका अन्य खेलहरुमा बेलारुसले लक्जेम्वर्गलाई २–० ले हराउँदा स्पेनले मेसेडोनियालाई १–० ले पराजित र्गयो । यसैगरी रुसले लिचेस्टेनलाई ७–० ले तथा स्लोभेनियाले ईस्टोनियालाई १–० ले पराजित गरेका छन् ।

युरोकप फुटबलको छनोट खेलमा जर्मनी र पोर्चुगल विजयी

युरोकप फुटबलको छनोट खेलमा जर्मनी र पोर्चुगल विजयीयुरोकप फुटबल छनोट अन्तर्गत हिजो राती भएका खेलमा जर्मनी र पोर्चुगल विजयी भएका छन् । समुह डी अन्तर्गतको खेलमा जर्मनीले स्कटल्याण्डलाई ३–२ ले हरायो । यो जितसँगै जर्मनीको अर्को वर्ष हुने युरोकप फुटबलमा सोझै छनोट हुने सम्भावना बढेको छ । उता स्कटल्याण्डको यात्रा भने कठिन बनेको छ । समुहका अन्य खेलहरुमा पोल्याण्डले जिब्रल्टारलाई ८–१ ले हरायो भने गणतन्त्र आयरल्याण्डले जर्जियालाई १–० ले पराजित र्गयो । उता समुह आई अन्तर्गतको खेलमा पोर्चुगलले अल्बानियालाई १–० ले हरायो । यही समुहको अर्को खेलमा डेनमार्कले अर्मेनीयासँग गोलरहित बराबरी खेल्यो । यो समुहमा दुई खेल खेल्न बाँकी रहेको पोर्चुगल १५ अंकसहित शीर्ष स्थानमा छ भने एक खेल मात्रै खेल्न बाँकी रहेको डेनमार्क १२ अंकसहित दोस्रो स्थानमा छ । तेस्रो स्थानको अल्बानियाको ११ अंक छ । युरोकप फुटबल छनोट अन्तर्गत समुह एफ को खेलमा उत्तरी आयरल्याण्डले हंगेरीसँग १–१ गोलको बराबरी खेलेको छ । फिनल्याण्डले फारो आईल्याण्डलाई १–० ले हराँउदा ग्रिसले रोमानियासँग गोलरहित बराबरी खेलेको छ । युरोकप फुटबलको लागि युरोपका ५३ राष्ट्रले ९ समुहमा विभाजित भएर छनोट प्रतियोगिता खेलिरहेका छन् । प्रत्येक समुहका शीर्ष दुई टोली सिधै प्रतियोगिताको लागि छनौट हुनेछन् भने तेस्रो हुने टोलीले प्ले अफ खेल्न पाउनेछन् । अर्को वर्ष फ्रान्समा आयोजना हुने युरोकप फुटबलमा पहिलो पटक २४ टोली सहभागी हुँदैछन् ।

चेस खेलमा नेपाल उत्कृष्ट स्थानमा

चेस खेलमा नेपालले उत्कृष्ट अवार्ड पाउने भएको छ । गएको बर्षभरीमा एसियन मुलुकहरुको तुलनामा उत्कृष्ट खेल तथा चेस खेलको विकासमा सकृयता देखाएको भन्दै एसियन चेस फेडेरेसनले नेपाललाई उत्कृष्ट अवार्ड दिन लागेको हो । अवार्ड वितरण कार्यक्रम आज  यूएईको स्थानिय समय अनुसार राती ८ बजेदेखि आबुधावीको नोभोटेल अल बुस्तान होटलमा हुँदैछ । सो अवार्ड ग्रहणका लागि नेपाल खेलकुद परिषदका सदस्य सचिव केशब विस्ट तथा नेपाल चेस एसोसिएसनका अध्यक्ष राजेश हरि जोशी यूएई आईसक्नु भएको छ । एसियन चेस फेडेरेसनले हरेक बर्ष चेस खेलका बिभिन्न विदामा अवार्ड प्रदान गर्दै आएको छ । यसपटक नेपालले चेसखेलमा उत्कृष्ट प्रदर्शन सहित राम्रो सकृयता देखाएको भन्दै फेडेरेसनले नेपाललाई सो अवार्ड प्रदान गर्न लागेको नेपाल चेस एसोसिएसनका अध्यक्ष राजेश हरि जोशीले उज्यालोलाई जानकारी दिनुभयो । अवार्ड वितरण कार्यक्रममा उपस्थित भएर नेपाली चेस खेलाडी र देश प्रतिको सद्भाव बढाई दिन यूएईमा कार्यरत नेपालीलाई नेपाल चेस एसोसीएसनले अनुरोध गरेको छ ।

इंगल्याण्ड बिरुद्धको क्रिकेटमा अष्ट्रेलिया बिजयी

भदौ २० 

एसेस क्रिकेट श्रृङ्खला अन्तर्गत इंगल्याण्ड बिरुद्धको दोस्रो एक दिवसीय क्रिकेटमा अष्ट्रेलिया बिजयी भएको छ । शनिबार राती सम्पन्न खेलमा इङ्गल्याण्डलाई ६४ रनले पराजित गर्दै अष्ट्रेलियाले ५ खेलको एकदिवसीय श्रृङ्खलामा २–० को अग्रता लिएको हो । लडसमा टस हारेर पहिले ब्याटिङ गरेको अष्ट्रेलियाले निर्धारित ४९ ओभरमा ७ विकेट गुमाउदै ३ सय ९ रन बनायो । बर्षाका कारण खेल निर्धारित समय भन्दा केही ढिला सुरु भए पछि ५० ओभरको खेललाइ ४९ ओभरमा छोट्याइएको हो । अष्ट्रेलियाका लागी कप्तान स्टेभन स्मिथले ७० तथा मिचेल मार्सले ६४ रनको योगदान गरे । जबाफमा ३ सय १० रनको बिजयी लक्ष्य पछयाएको घरेलु टोली इंगल्याण्ड ४२ दशमलब ३ ओभरमा २ सय ४५ रनमै अलआउट भयो । इंगयाण्डकका लागि कप्तान इयान मोर्गनले ८५ रन बनाए पनि अन्य ब्याट्सम्यानले उल्लेखनीय प्रदर्शन गर्न नसक्दा टोली पराजित हुन पुगेको हो । यस अघि खलिएको पहिलो एकदिवसीय खेलमा पनि इंगल्याण्डले अष्ट्रेलियालाइ नतिजा सुम्पिएको थियो । अब यि दुइ राष्ट्रबिचको तेश्रो एकदिवसीय खेल आगामी मंगलबार म्यान्चेष्टरमा हुने छ ।   

इंग्ल्याण्ड ६–० ले विजयी

इंग्ल्याण्डले सन २०१६ को युरो कपका लागि स्थान सुरक्षित गरेको छ । शनिबार राति भएको छनौट खेलम सन मारिनोलाई ६–० ले हराउँदै इंग्ल्याण्डले युरो कपमा स्थान पक्का गरेको हो । खेलको १३ औं मिनेटमा पाएको पेनल्टीको अवसरलाई सदुपयोग गरी कप्तान वेन रुनीले गोल गर्दै इंग्ल्याण्डलाई सुरुवाती अग्रता दिलाए । ३० औं मिनेटमा सन मासिनोमा  क्रिस्टियन ब्रोलीले आत्मघाती गोल गर्दै इंग्ल्याण्डको अग्रता दोब्बर पारे । रोस बार्कलीले ४६ औं मिनेटमा गोल गर्दै इंग्ल्याण्डको अग्रता ३–० मा र्पुयाए । सन मारिनोमाथि निकै दबाबपूर्ण बनेको इंग्ल्याण्डका लागि थियो वालकोटले ६८ र ७८ औं मिनेटमा गरी दुई गोल तथा ह्यारी केनले ७७ औं मिनेटमा गोल गर्दै ६–० को सानदार जित दिलाए । छनौटका लागि खेलेका ७ खेलमा सबैमा जित निकालेको समुह डी मा रहेको इंग्ल्याण्डको २१ अंक भएको छ । शनिबार राति नै भएको अर्को खेलमा स्पेनले स्लोभाकियालाई २–० ले हराउँदै समुह सीको शीर्ष स्थानमा स्थान बनाएको छ । अरु खेलमा लग्जेम्बर्गले मसेडोनिया, इस्टोनियाले लिथुवानिया तथा रुसले स्वीडेन र अष्ट्रियाले मोलडोभालाई समान १–० ले हराएका छन् । यस्तै स्वीजरल्याण्डले स्लोभेनियालाई ३–२, युक्रेनले बेलारुसलाई ३–१ र मन्टेनेग्रोले लिकटेन्स्टाइनलाई २–० ले हराएको छ ।

रुनीको कीर्तिमान

इंग्ल्याण्डका कप्तान वेन रुनीले सर्वा्धिक गोलकर्ताको कीर्तिमानमा बराबरी गरेका छन् । रुनीले हिजो राति युरो कप २०१६ को छनौट खेलमा गोल गर्दै इंग्ल्याण्डको सर्वा्धिक गोलकर्ताको कीर्तिमानमा बराबरी गरेका हुन् । हिजो राति सन मारिनो विरुद्धको खेलमा पेनल्टी मार्फत गोल गर्दै रुनीले इंग्ल्याण्डका लागि गरेको गोल संख्या ४९ पुगेको छ । यसअघि बबी चार्लटन ४९ गोल गर्दै इंग्ल्याण्डका सर्वा्धिक गोलकर्ताको कीर्तिमान बनाएका थिए । रुनीले सन मारिनो विरुद्धको खेलमा १३ औं मिनेटमा पाएको पेनल्टीको अवसरलाई उपयोग गरी गोल गरेका हुन् । सन मारिनोलाई ६–० ले हराएको इंग्ल्याण्डले युरो कप २०१६ का लागि स्थान पक्का गरेको छ ।

मेस्सीको अन्तिम खेल बार्सिलोना मै

अर्जेन्टिनाका स्टाइकर लियोनल मेस्सी आजीवन बार्सिलोनामा रहने क्लबका प्राविधिक निर्देशकले बताएका छन् । स्पेनिस क्लबबाट व्यवसायिक फुटबल खेल्दै आएका मेस्सीले आफ्नो सम्पूर्ण खेल जीवन बार्सिलोनामै बिताउने क्लबका प्राविधिक निर्देशक रोबर्ट फर्नान्डेजले बताएका हुन् । २८ वर्षका मेस्सी बार्सिलोनामा सबै भन्दा उत्कृष्ट खेलाडीको रुपमा स्थापित भएका छन् । गएको सिजन बार्सिलोनालाई च्याम्पियन्स लिग, ला लिगा तथा कोपा डेल रेको उपाधि दिलाउन मेस्सीले महत्वपूर्ण भूमिका खेलेका थिए । मेस्सी बिनाको बार्सिलोना कल्पना नै नगरेको र मेस्सीले आफ्नो अन्तिम खेल बार्सिलोनाबाटै खेल्ने प्राविधिक निर्देशक फर्नान्डेजको भनाई छ ।

ओलम्पिक कमिटीको अध्यक्षमा जीवनराम श्रेष्ठ निर्वाचित

भदौ १७ 

नेपाल ओलम्पिक कमिटी ९एनओसीको ०को अध्यक्षमा जीवनराम श्रेष्ठ निर्वाचित भएका छन् । विहीबार भएको एनओसीको चुनावमा १७ मत ल्याएर श्रेष्ठ अध्यक्षमा निर्वाचित भएका हुन् । उनका प्रतिष्पर्धी उमेशलाल श्रेष्ठले ९ मत प्राप्त गरे । यस्तै, छिमिउर्केन गुरुङलाई पराजित गर्दै लामा टेण्डी शेर्पा एनओसीको महासचिवमा निर्वाचित भए । सहमहासचिवमा राजीव श्रेष्ठ विजयी भएका छन् । श्रेष्ठ र उनका प्रतिष्प्रर्धी चतुरानन्द वैद्यले समान १३–१३ भोट नै ल्याएपछि गरिएको गोलाप्रथामा श्रेष्ठले बाजी मारेका हुन् ।एनओसीमा चार उपाध्यक्ष र कोषाध्यक्ष भने निर्विरोध निर्वाचित भएका छन् । उपाध्यक्षहरुमा धीरेन्द्र प्रधान, ज्योति राणा, पुरेन्द्रविक्रम लाखे र राजेन्द्र वान्तवा तथा कोषाध्यक्षमा रतन टण्डन निर्विरोध निर्वाचित भएका हुन् । यस्तै, एनओसीको सदस्यहरुमा सन्जीब तुलाधर, रमेश श्रेष्ठ, निलेन्द्र श्रेष्ठ, तेज गुरुङ, दीपकहर्ष बज्राचार्य, सुनिलकुमार श्रेष्ठ, अशोकरत्न बज्राचार्य, सलिम मिया अन्सारी र आङ टेण्डी शेर्पा विजयी भएका छन् । चार वर्षका लागि अध्यक्ष पदमा निर्वाचित भएपछि श्रेष्ठले ओलम्पिक गतिविधिलाई व्यापक बनाउँदै सबै सरोकारवाला पक्षहरुलाई समेटेर अघि बढ्ने प्रतिक्रिया दिए । यसअघि, गत साउन २१ गतेको लागि तय भएको निर्वाचन विधि नपुगेको भन्दै केही प्रतिनिधिहरुले विरोध गरेपछि स्थगित गरिएको थियो ।