पाकिस्तानको एक विमानस्थलमा हतियारधारीद्वारा आक्रमण, दुई इन्जिनियरको मृत्यु

भदौ १३ 

पाकिस्तानकोहिंसाग्रस्त बलुचिस्तानमा आइतबार बन्दुकधारीहरुले एउटा विमानस्थलमा आक्रमण गरी कम्तीमा दुई इन्जिनियरको हत्या गरेका छन् भने विमानस्थलको राडार प्रणालीसमेत ध्वस्त बनाइदिएका छन् । मोटरसाइकलमा आएका हतियारधारी समूहले ग्वाडर जिल्लास्थित जिवानी विमानस्थलमा आक्रमण गरेका हुन् । १२ जनाको संख्यामा आएका हतियारधारीले एक्कासी हमला गरेको बताइन्छ । आक्रमणमा एक इन्जिनियरको घटनास्थलमै मृत्यु भएको थियो भने अर्का एक इन्जिनियरलाई घाइते अवस्थामा उद्धार गरिएको छ । त्यसैगरी एक इन्जिनियरलाई हतियारधारीले नै अपहरण गरी लगेका थिए । प्रहरीका अनुसार अपहृत इन्जिनियरको शव दिउँसो फेला परेको छ । उक्त हमलाको बारेमा कसैले पनि जिम्मेवारी लिएको छैन ।