नेपाल र भारतबीचको मैत्रीपूर्ण फुटबल बराबरीमा

भदौ १५ 

नेपाल र भारतबीचको मैत्रीपूर्ण फुटबल खेल बराबरीमा सकिएको छ । भारतको पुनेमा हिजो वेलुकी भएको खेल गोलरहित बराबरीमा सकिएको हो । खेलमा दुवैतर्फबाट गोल गर्ने प्रयास खेर गएका थिए । भारत सुरुवातदेखि नै आक्रामक देखिए पनि गोल भने गर्न सकेन । यो बराबरीले सिनियर टिमको निरन्तरको हारको श्रृंखला भने रोकिएको छ । नेपालले भारतलाई उसकै भूमिमा अहिलेसम्म हराउन नसकेको अवस्थामा बराबरीलाई पनि उपलब्धीकै रुपमा लिन सकिन्छ ।