यस्तो छ ४ वटा फुटबल मैदानभन्दा फराकिलो संसारकै सबैभन्दा ठुलो जहाज

म्यान्चेस्टर – विश्वकै सबैभन्दा ठूलो क्रुज जहाजले आफ्नो पहिलो यात्रा गर्ने भएको छ । ‘हार्मोनी अफ सी’ नाम दिएको उक्त जहाजलाई बेलायतको साउथह्याम्पटनमा समुद्री यात्रा अघि अन्तिम तयारी गिरिँदैछ ।

चारवटा फुटबल मैदानभन्दा लामो यस जहाजमा ६,७८० यात्रु अट्नेछन् । ‘हार्मोनी अफ सी’  ८ सय मिलियन पाउण्डमा तयार भएको हो ।

यसको लम्बाई १११८ फिट, तौल २२७,००० टन, चौढाई २१५.५ फिट रहेको छ । यसमा २,७४७ कोठाहरु रहेका छन् । यसमा ७७ देशमा २१०० क्रु सदस्य रहेका छन् ।

१० तले जहाजभित्र २३ स्वीमिङपुल, २० डाइनिङ हल, ५२ रुख लगायत रहेका छन् ।
यसले आइतबार नेदरल्याण्डसम्मको यात्रा गर्नेछ भने मे २९ मा बार्सिलोनासम्म पुग्नेछ । आगामी जाडो महिनामा यसले फ्लोरिडा र क्यारेबियनको यात्रा गर्नेछ ।

वाईफाईको जमाना गयो अब, सय गुणाभन्दा बढी स्पिडमा चल्ने लाइफाईको सफल परिक्षण

सूचना प्रविधिको क्षेत्रमा फड्को मार्ने क्रममा विश्वमा आधुनिक र निकै तिव्र गतिमा इन्टरनेट चलाउने प्रविधिहरु भित्रिन थालेका छन् । हुन त टेलिफोन लाईनमा जोडेर डायलअप इन्टरनेट चलाउने प्रविधि अझै पनि कुनै कुनै ठाउँमा पाउन सकिन्छ । तर विश्वमा इन्टरनेट चलाउनकै लागि निकै तिव्र गतिमा प्रविधिहरु विकास भैरहेका छन् । यसैक्रममा वाईफाई जस्तै तर निकै तिव्र गतिमा इन्टरनेट चलाउन सकिने प्रविधि सुरु भएको छ । इस्टोनियाको वेलमेनी कम्पनीले यो प्रविधिको सफल परिक्षण गरिसकेको छ र यसको नाम लाईफाई राखिएको छ । यो नयाँ अत्याधुनिक ताररहित प्रविधिबाट वाईफाईभन्दा ३ सय गुणा तिव्र गतिमा इन्टरनेट चलाउन सकिने दावी गरिएको छ । प्रतिसेकेण्ड एक जिबिसम्मको गतिमा चल्नसक्ने यो प्रविधि सन् २०१८ सम्मका विश्वबजारमा पुर्याउने लक्ष्य राखिएको छ ।

गुगलको नयाँ लोगो

भदौ १६ 

गुगलले नयाँ लोगो जारी गरेको छ । नयाँ लोगो पुरानो जस्तै रंगिन भएपनि  अक्षरको बनावट भने फरक छ । अहिले डेक्सटप भन्दा मोबाइलमा गुगल चलाउने बढेकाले  लोगोमा परिवर्तन गर्न आवश्यक भएको गुगलले जनाएको छ । गुगलले आफ्नो आधिकारिक ब्लगमा लोगोमा हुने परिवर्तनका बारेमा घोषणा गर्दै नयाँ लोगो व्यवस्थित, सरल र प्रयोगकर्तामैत्री रहेको र यसले गुगलकोे राम्रो प्रतिनिधित्व गर्ने उल्लेख गरेको छ । यो परिवर्तनसँगै गुगलको स्वामित्व एल्फाबेट कम्पनीलाई गएको छ । गुगलले नयाँ लोगो विभिन्न आकारका स्क्रिनका लागि सुहाउँदो रहेको जनाएको छ । नयाँ लोगोमा निलो, रातो, पहेँलो र हरियो गरी  चारवटा रंग र कम्पनीको नामको पहिलो अक्षर न् बहुरंगी हुनेछ । गुगलले धेरै पटक आफ्नो लोगोमा परिवर्तन गरिसकेको छ । अन्तिमपटक सन् २०१३ को सेप्टेम्बरमा गुगलले आफ्नो लोगो अपडेट गरेको थियो ।

एनसेल एप क्याम्पका लागि आवेदन खुला

साउन २७ 

एनसेल एप क्याम्पमा भाग लिग चाहनका लागि आवेदन  खुला भएको छ । एनसेल एप क्याम्प २०१५ का लागि सहभागी हुन इच्छुकलाई आवेदन दिन आयोजक एनसेलले आग्रह गरेको छ । प्रतियोगिता सम्बन्धी सम्पुर्ण जानकारी आफ्नो आधिकारिक वेवसाइटमा राखिएको एनसेलले जनाएको छ ।एप क्याम्पमा सहभागी हुन चाहनेले खेल तथा मनोरञ्जन, स्वास्थ्य, पर्यटन र उपयोगिता गरी चार विधामा आवेदनसँगै एप सम्बन्धी आइडिया पेश गर्ने सक्ने एनसेलले जनाएको छ । पहिलो चरणमा आइडिया पेश गर्नेबाट उत्कृष्ट १ सय ५० वटा आइडियालाई क्षमता अभिवृद्धि तालिममा सहभागी गराइने छ । दोस्रो चरणमा हरेक विधाबाट ६ वटा उत्कृष्ट एप अर्थात २४ टिमलाई अन्तिम चरणका लागि छनौट गरिनेछ । अन्तिम प्रतिस्पर्धाबाट प्रत्यक विधाका एक गरी चार विजेता र समग्रमा एक मुख्य विजेता छनौट हुनेछन् । प्रत्येक विधाका विजेताले दुई लाख ५० हजार तथा मुख्य विजेताले थप पाँच लाख पुरस्कार प्राप्त गर्ने छन् ।

यूट्यूबका रोचक आठ ट्रिक्स, एक चोटी ट्राइ गर्नस्

यूट्यूब नचलाउने इन्टरनेट प्रयोगकर्ता आजकाल कमै होलान् । तर, यूट्यूबका कतिपय ‘ट्रिक’हरु धेरैका लागि नौला हुनसक्छन् । यहाँ केहि रोचक ट्रिकहरु प्रस्तुत गरिएको छ, जुन तपाईंलाई काम लाग्न सक्छन् :

१. कुनै सफ्टवेयरबिना यूट्यूबबाट भिडीयो कम्प्युटरमा डाउनलोड सकिन्छ । यूट्यूबबाट MP3 फाइलहरु पनि डाउनलोड गर्न सकिन्छ । तपार्इले खाली URL हल्का परिवर्तन गर्नुपर्छ । कुनै पनि भिडियो डाउनलोड गर्नका लागि URL को अगाडि SS लेख्नु पर्छ । उदाहरण: https://www.youtube.com/watch?v=9aMYvNCXA_I यसको URL यस्तो बन्ने छ : https://www.ssyoutube.com/watch?v=9aMYvNCXA_I  

२. यूट्यूबको सर्च बक्समा ‘Use the force Luke’ टाइप गर्नुस् र Enter थिच्नुस् । तपाईंको यूट्यूब पेजले बिचित्रको व्यवहार गर्न थाल्छ । 

३.यूट्यूबको सर्च बक्समा Beam me up Scotty टाइप गरेर इन्टर हान्नुस् । यूट्यूबको स्क्रिन नै अर्कै देखिन थाल्छ । 

४. तपाईंलाई थाहा नहुन सक्छ, यूट्यूबमा केहि सर्टकटहरु पनि हुन्छन्, जस्तै: 

– भिडियो प्ले हुँदा किबोर्डमा J थिच्नुभयो भने १० सेकेन्ड भिडियो रिवाइन्ड हुन्छ । 

– भिडियो प्ले हुँदा K किबोर्डमा थिच्नुभयो भने भिडियो पज हुन्छ, पज भएको अवस्थामा प्ले हुन्छ । 

– भिडियो प्ले भइरहेको बेला किबोर्डमा L थिच्नुभयो भने भिडियो १० सेकेन्ड फरवार्ड हुन्छ ।

– भिडियो प्ले भइरहेको बेला M थिच्नुभयो भने भिडियो म्युट हुन्छ । 

५. यूट्यूबको सर्च बक्समा टाइप doge meme टाइप गरेर इन्टर हान्नुस्, तपाईंको पेज कलरफुल बन्छ । 

६. यदि तपाईं कुनै यूट्यूव भिडियोबाट GIF बनाउन चाहनुहुन्छ भने यो पनि गर्न सकिन्छ । यसका लागि तपाईंले WWW / YouTube को बीचमा gif टाइप गर्नुस् । यसरी १ सेकेन्डदेखि १५ सेकेन्डसम्मको gif इमेज बनाउन सकिन्छ । 

७. मानौं तपाईं यूट्यूवमा कुनै भिडियो सुरुदेखि हेर्न चाहनुहुन्न । यसलाई कुनै निश्चित अवधिपछि मात्रै हेर्न चाहनुहुन्छ भने तपाईं टाइम सेट गर्न सक्नुहुन्छ । मानौं कुनै ६ मिनेटको भिडियो छ र तपाईं यसलाई १ मिनेट २ सेकेण्डपछि हेर्न चाहनुहुन्छ भने तपाईंले यूट्यूबको URL मा #t=1m2s टाइप गर्नुपर्ने हुन्छ । उदाहरण https://www.youtube.com/watch?v=9aMYvNCXA_I यसको URL यस्तो बन्ने छ www.youtube.com/watch?v=9aMYvNCXA_I#t=1m2s 

८. कुनै पनि भिडियोलाई केवल आवाजको रुपमा मात्रै डाउनलोड गर्न चाहनुहुन्छ भने त्यसका URL मा www र YouTube को बीचमा l टाइप गर्नुपर्छ । 

गुरूपूर्णिमाका अबसरमा गुगलले गर्‍यो गुरुलाई सम्मान

१५ साउन, 

गुरुहरुप्रति सम्मान तथा आदर प्रकट गर्ने हिन्दुहरुको पर्व गुरुपूणिर्माका अवसरमा सर्च इन्जिन गुगलले आकर्षक डुडल्स सार्वजनिक गरेको छ । गुगलले आफ्नो सर्च इन्जिन साइट गुगल डट कममा कक्षाकोठाको सेतोपाटी आकारको कलात्मक डुडल्स प्रदर्शन गरी गुरुहरुप्रति सम्मान तथा आदर प्रकट गरेको छ । गुगलले सार्वजनिक गरेको डुडल्समा कक्षाकोठाको सेतोपाटीमा विज्ञान, गणित, संगीत, खेलकुद लगायतका विषयका विभिन्न चित्रहरु देखाइएको छ ।  साथै गणितको हिसाब लेखाइरहेका हातहरुको चल स्केच पनि डुडल्समा समावेश छ जसले सेतोपाटीमा गुरुहरुले गणित सिकाइरहेको भाव दिन्छ । डुडल्समा चलिरहेको हातहरु अन्त्यमा नमस्कारको शैलीमा जोडिन्छन्, जसले गुरुप्रति नमन गरेको देखिन्छ । स्मरण रहोस् गुगलले विश्वभरका विभिन्न महत्वपूर्ण अवसरहरुमा सोही भाव समेट्ने गरी डुडल्स तयार गर्ने गर्छ । भारतका पूर्व राष्ट्रपति एपिजे अब्दुल कलामको निधनको अवसरमा पनि गुगलले कलामको आकृति सहितको डुडल्स तयार गरेको थियो ।

चीनमा भेटियो नक्कली आइफोन बनाउने कम्पनी

साउन १२ 

चीनमा एप्पलको नक्कली आइफोन बनाउने कम्पनी फेला परेको छ । अनुसन्धानका लागि घटिएको अमेरिकी अधिकारीको टोलीले नक्कली आइफोन बनाउने कम्पनीमा छापा मारी त्यसमा कार्यरत ९ जनालाई पक्राउ गरेको छ । कम्पनीमा सयौंको संख्यामा कामदारले काम गर्ने गरेका थिए । उनीहरुले विभिन्न ब्रान्डाका पुराना स्मार्टफोनका पाटपुर्जा मिलाएर नयाँ आइफोन बनाउने गरेका थिए । श्रीमान श्रीमती मिलेर चलाएको कम्पनीले अहिलेसम्म एक करोड ९० लाख अमेरिकी डलर भन्दा धेरै मुल्य पर्ने ४१ हजार वटा नक्कली आइफोन बनाएको अधिकारीले बताएका छन् । गएको मे १४ मानै यो कम्पनीका बारेमा थाहा पाएको भएपनि बेइजिङका अधिकारीले आइतबार मात्रै यस विषयमा जानकारी दिएका हुन् । चीनको राजधानी बेइजिङबाट उत्तरतर्फको बाहिरी क्षेत्रमा रहेको कम्पनीमाथिको अनुसन्धान गएको जनवरी महिनामा सुरु भएको थियो । चीनमा आइफोन मात्रै नभएर अन्य सामग्रीको पनि नक्कली उत्पादन हुने गरेकाले त्यस्ता साम्रगी उत्पादनलाई निरुत्साहित गर्ने गरी संयुक्त रुपमा काम गर्न अमेरिकी अधिकारी र चिनिया अधिकारी सहमत भएका छन् । चीनको कुनमिङ शहरमा चार वर्ष अघि नक्कली एप्पल स्टोर पनि भेटिएको थियो ।

विश्वभर निःशुल्क वाइफाइ उपलब्ध गराउँदै गुगल

इन्टरनेट जाएन्ट गुगलले विश्वभरि नै निशुल्क रुपमा वाइफाइ इन्टरनेट उपलब्ध गराउने योजना बनाएको छ । यसको सुरुवात तथा परीक्षणका रुपमा गुगलले अमेरिकाको न्युयोर्कमा फ्री वाइफाइ सेवा सुरु गर्दैछ । विश्वमा निःशुल्क वाइफाइ उपलब्ध गराउने आफ्नो योजनालाई मूर्तरुप दिन गुगलले एक अलग्गै कम्पनी खोलेको छ । उक्त कम्पनीको नाम हो, साइडवाक ल्याब्स । गुगलको यो कम्पनीले न्युयोर्कमा अन्त्यन्तै तिव्रगतिको इन्टरनेट उपलब्ध गराएका दुइवटा अन्य कम्पनी खरीद गर्ने तयारीमा छ । निशुल्क इन्टरनेट उपलब्ध गराउने कामलाई कार्यरुप दिन गुगलले न्युयोर्कस्थित बिक एप्पलको पूरानो फोन बुथको प्रयोग गर्दैछ । उक्त परियोजनाका लागि यस्तै प्रकारका १० हजार फोन बुथ प्रयोग गर्ने गुगलको तयारी छ ।

गुगलले ती फोन बुथहरुमा आवश्यक परिवर्तन गर्नेछ । त्यसबाट उसले केवल निशुल्क वाइफाइ मात्र होइन मानिसहरुलाई आफ्नो मोबाइल फोन चार्ज गर्ने सेवा पनि उपलब्ध गराउने बताइएको छ । त्यसका साथै ती बुथहरुबाट मानिसहरुले नि:शुल्क डोमेस्टिक फोन कल समेत गर्न पाउनेछन् ।गुगलको योजना यत्तिमा मात्र सिमित कहाँ छ र ? उसले ती फोन बुथहरुमा टचस्क्रिन हाल्नेछ । जसको माध्यमबाट मानिसहरु सहरका महत्वपूर्ण ठाउँ तथा यातायात सेवाहरुको बारेमा पनि जानकारी प्राप्त गर्न सक्नेछन् ।

ब्लुमबर्ग न्यूजका अनुसार आगामी जाडो याम अगाडि नै न्युयोर्कमा नि:शुल्क वाइफाइ लगायतका सेवा उपलब्ध गराउने ती फोनहरु संचालनमा आउनेछन् । उक्त ट्रायल सफल भएसँगै गुगलले यो परियोजनालाई विश्वका अन्य सहरमा पनि विस्तार गर्ने योजना बनाएको छ ।

फेसबुकले तस्बिरमा अनुहार नदेखिने व्यक्तिको पनि पहिचान गर्ने

सामाजिक सञ्जाल फेसबुकले तस्बिरमा अनुहार नदेखिएको अवस्थामा पनि व्यक्तिलाई पहिचान गर्न सक्ने फेसियल रिकगनाइजेसन प्रविधिको विकास गर्ने भएको छ । नयाँ प्रविधिले तस्बिरमा अनुहार नदेखिएका व्यक्तिलाई पनि पहिचान गर्ने फेसबुकले जनाएको छ ।

तस्बिरमा अनुहार देखिएका व्यक्तिलाई पहिचान गर्ने प्रविधि यसअघि नै प्रयोगमा आइसकेको छ । त्यो प्रविधि सफल भएको र त्यसमा थप सुधार गर्नका लागि अनुहार नदेखिएका व्यक्तिको पहिचान गर्ने प्रविधिको परीक्षण गरिएको फेसबुकले जनाएको छ । नयाँ प्रविधिको प्रभावकारिता परीक्षण गर्न तस्बिरमा अनुहार नदेखिएका ४० हजार तस्बिर लिएको र यो प्रविधिले ८३ प्रतिशत व्यक्तिलाई सही पहिचान गरेको फेसबुकले जनाएको छ ।नयाँ प्रविधिले व्यक्तिको पहिचानका लागि कपाल, लुगा तथा शारीरिक संरचनाको विश्लेषण गर्नेछ । यो नयाँ प्रविधि अहिले परीक्षणको चरणमा रहेको फेसबुकले जनाएको । तर छिट्टै नै थप परीक्षण र सुधार गरेर यसलाई एपको रुपमा ल्याउने फेसबुकको तयारी छ ।

– एजेन्सीको सहयोगमा

जिमेलले सुरु गर्‍यो इमेल तत्कालै फिर्ता गर्न मिल्ने सुविधा

जिमेलाबाट पठाएको इमेल तत्कालै फिर्ता गर्न मिल्ने सुविधा औपचारिक रुपमा सुरु भएको छ । जिमेलले कुनै पनि इमेल पठाएको फिर्ता गर्न मिल्ने अन डु सेण्डको सुविधा सुरु गरेको हो ।

यो सुविधाले कसैलाई अनावश्यक इमेल पठाएको खण्डमा फिर्ता गर्न चाहनेलाई सजिलो हुने भएको छ । तर त्यसका लागि भने इमेल सेण्ड भएको पाँचदेखि ३० सेकेण्ड भित्र अन डु सेण्ड अप्सनमा क्लिक गर्नुपर्ने हुन्छ ।

जिमेल सेवा प्रदायक गुगलले यो सुविधा सर्वप्रथम सन् २००९ मा सुरु गरेको थियो । त्यसबेलादेखि अन डु सेण्ड अप्सन जिमेलले लुकाएको थियो । तर अहिले भने जिमेलले यसलाई प्रयोगमा ल्याएको हो । 

हरेक जिमेल प्रयोगकर्ताले आफ्नो एकाउन्टमा अन डु सेण्ड अप्सन कति सेकेण्ड भित्र गर्न सकिने भनेर पाँचदेखि ३० सेकेण्डको समय रोज्न सक्न छन् । अनडु सेण्ड अप्सन एक्टिभेट गर्ने तरिकाका लागि यहाँ जानुहोस् । 

– एजेन्सीको सहयोगमा

फोन कै भरमा रोजेको सामान घरमा

काठमाडौं, जेठ २८ – अनलालाइन मार्फत सरसामान किनमेलको सुविधा दिँदै आएको मुन्चा डट कमले अब टेलिफोनमा दिइएको अडरका आधारमा सरसामान उपभोक्ताको घर दैलोमा पुर्‍याउने भएको छ ।

उपभोक्ताको व्यवस्तता र आवश्यकतालाई ध्यानमा राखेर फोनकै आभारमा रोजेको सामान घरमै पुर्‍याइदिने सेवा सुरु गरेको जनाएको छ । आफ्नो सेवालाई सहज र व्यवहारिक बनाउनका लागि फोन अडर सेवा सुरु गरिएको मुन्चाले जनाएको छ ।

यसका लागि उपभोक्ताले मुन्चा डट कममा उपलब्ध सामानमा क्लिक गरेपछि त्यहाँ देखिने फर फोन अडर बटनमा क्लिक गर्नुपर्छ । त्यहाँ सोधिने नाम र फोन नम्बर टाइप गरेर सबमिट गरेपछि मुन्चाले रोजेको सामान घरमै पुर्‍याउँछ । इ–कमर्स साइट मुन्चाले सन् २००० देखि अनलाइन सपिङ गराउँदैआएको छ ।

सामसुङले ल्याउँदै छ एस सिक्स प्लस

जेठ २० – सामसुङले नयाँ स्मार्ट फोन ल्याउने भएको छ । केही समयअघि सामसुङ ग्यालेक्सी एस सिक्स र ग्यालेक्सी एस सिक्स एज बजारमा ल्याएको कोरियन इलेक्ट्रोनिक्स जाइन्ट सामसुङले ग्यालेक्सी एस सिक्स प्लस ल्याउने तयारी सुरु गरेको हो । सामसुङ फोक्सड् ब्लग साम मोबाइलका अनुसार सामसुङले आउँदो सेप्टेम्बरमा जर्मनीको बर्लिनमा हुने वार्षिक आइएफए कन्जुमर इलेक्ट्रोनिक्स ट्रेड शोको क्रममा ग्यालेक्सी एस सिक्स प्लस सार्वजनिक गर्ने तयारी गरेको छ । सामसुङले ग्यालेक्सी एस सिक्स प्लस निर्माण योजनालाई प्रोजेक्स जेन टु नाम दिएको छ । ग्यालेक्सी एस सिक्स प्लसमा ५ दशमलव ४ वा ५ दशमलव ५ इन्चको सुपर एमोलिड डिस्प्ले हुनेछ । यस्तै ग्यालेक्सी एस सिक्स एजमा जस्तै एस सिक्स प्लस  जाइन मोडिएको हुनेछ । एस सिक्स एजको तलपट्टीको भाग मोडिएकोमा एस सिक्स प्लसको माथि र तल दुवै पट्टीको भाग मोडिएको हुनेछ । यसमा ८ सय ८ हेग्जा कोर प्रोसेसर, ३२ जिबीको इन्टरनल स्टोरेज, १६ मेगापिक्सलको क्यामेरा तथा ५ मेगापिक्सलको फ्रन्ट क्यामेरा हुनेछ ।

– एजेन्सीको सहयोगमा

रिमोट कन्ट्रोलबाट चल्ने कार (भिडियो सहित)

असार ३ – बेलायती कार निर्माता कम्पनी जागुअर ल्याण्ड रोवरले स्मार्टफोन एपबाट नियन्त्रण गर्न सकिने कारको नमुना सार्वजनिक गरेको छ । ल्याण्ड रोवरले स्मार्टफोनमा रहेको रिमोटकन्ट्रोल एपबाट नियन्त्रण गर्न सकिने स्पोर्टस कारको नमुना सार्वजनिक गरेको हो ।

कार भन्दा ३२ फिट परसम्म ड्राइभर हुँदासम्म रिमोट कन्ट्रोलले कारलाई नियन्त्रण गर्न सक्ने ल्याण्ड रोवरले जनाएको छ । तर घरमै बसेर कारलाई चलाउन भने सकिने छैन । यस्तै गुडिरहेका बेला नजिकै कुनै अवरोध रहेछ भने कार आफै रोकिन्छ, यसले गर्दा सम्भावित दुर्घटना वा अप्ठ्यारोबाट जोगिन सकिने कम्पनीले जनाएको छ ।

यस्तै आफू जाने बाटोमा केही अवरोध छ कि छैन भनेर ड्राइभर बाहिरै बसेर कारलाई केही अघिसम्म पठाएर अवस्था बुझ्न पनि सकिनेछ । यो सुविधाले साँघुरो ठाउँ जहाँ पार्किङ गरेपछि ढोका खोल्न मिल्दैन त्यस्तो ठाउँमा पार्किङ गर्न र त्यहाँबाट कार निकाल्न सजिलो हुने कम्पनीले जनाएको छ । तर यो सुविधा सहितको कार बजारमा ल्याउने नल्याउने बारेमा भने कम्पनीले केही बताएको छैन ।

भिडियाे

– एजेन्सीको सहयोगमा